Биринчи ҳадис:

Абу Ҳурайра розияллоҳу анҳудан ривоят.

Пайғамбар соллаллоҳу алайҳи ва саллам айтдилар:

أنَّ رَجُلاً زَارَ أَخَاً لَهُ في قَريَة أُخْرَى ، فَأرْصَدَ الله تَعَالَى عَلَى مَدْرَجَتِهِ مَلَكاً ، فَلَمَّا أتَى عَلَيهِ ، قَالَ : أيْنَ تُريدُ ؟ قَالَ : أُريدُ أخاً لي في هذِهِ القَريَةِ . قَالَ : هَلْ لَكَ عَلَيهِ مِنْ نِعْمَة تَرُبُّهَا عَلَيهِ ؟ قَالَ : لا ، غَيْرَ أنِّي أحْبَبْتُهُ في الله تَعَالَى ، قَالَ : فإنِّي رَسُول الله إلَيْكَ بَأنَّ الله قَدْ أَحَبَّكَ كَمَا أحْبَبْتَهُ فِيهِ

رواه مسلم

«Бир киши (ўзининг қишлоғидан) бошқа бир қишлоқдаги биродарини зиёрат қилиш учун отланди. Йўлда кетар экан, Аллоҳ таоло уни ҳимоя қилиб туриш учун бир фариштани юборди. У фаришта келиб бу бандадан сўради: Қаерга кетяпсиз?

У банда жавоб берди: Мана бу қишлоқдаги бир биродаримнинг олдига бормоқчиман.

Фаришта: Унинг зиммасида сизга бажо этиш керак бўлган бирон яхшилик борми? (Сиз у билан бирон ишни бажариб туришга келишиб олганмидингиз, ана шу иш юзасидан унинг олдига кетяпсизми?)

Банда: Йўқ, фақат мен уни Аллоҳ йўлида яхши кўрганман. (Шунинг учун уни зиёрат қилмоқчиман).

Фаришта: Мен сизга Аллоҳ томонидан юборилдим. Аллоҳ хабар бердики, сиз шу биродарингизни яхши кўрганингиз каби Аллоҳ ҳам сизни яхши кўрди».

(Саҳиҳи Муслим: 2567-ҳадис)

Иккинчи ҳадис:

Яна Абу Ҳурайра розияллоҳу анҳудан ривоят

Расулуллоҳ соллаллоҳу алайҳи ва саллам айтдилар:

 مَنْ عَادَ مَرِيضاً أَوْ زَارَ أخاً لَهُ في الله ، نَادَاهُ مُنَادٍ : بِأنْ طِبْتَ ، وَطَابَ مَمْشَاكَ ، وَتَبَوَّأتَ مِنَ الجَنَّةِ مَنْزِلاً

رواه الترمذي وَقالَ : «حديث حسن»، وفي بعض النسخ : «غريب»

«Ким бир беморни ёки Аллоҳ йўлидаги бир биродарини зиёрат қилса, (Аллоҳ томонидан) бир нидо қилувчи нидо қилади: Сиз нақадар яхши банда бўлдингиз, юрган йўлингиз ҳам нақадар яхши йўл. (Ушба холис амалингиз туфайли) жаннатдаги бир манзилни қўлга киритдингиз».

(Сунани Термизий: 2008-ҳадис, Сунани Ибн Можаҳ: 1443-ҳадис, ҳасан)

•┈┈┈┈┈┈•✿❁✿•┈┈┈┈┈┈•

Ислом Овози каналига марҳамат

https://telegram.me/joinchat/BqyShjwleEx1O-OOZEYqvg