Азҳо байрами барчангизга муборак бўлсин (Шайх Обидхон қорининг шеърий қутловлари)
Барча мўмин-мусулмон биродарларимизни ушбу улуғ айём билан чин дилимиздан муборакбод этамиз!
Буюк Раббимиз бутун оламдаги инсонларнинг қалбларига ҳидоят нурлари кириб боришини насиб айласин, аҳли ислом – аҳли иймон диндошларимизга мағфирату марҳаматлар, Фаластин, Сурия, Яман, Шарқий Туркистон ва Бирма каби диёрлардаги мазлум биродарларимизга нажоту нусратлар ато этсин….
Ҳурмат ила «Ислом Овози» таҳририяти
1440 ҳижрий сана, Явмун-наҳр 10-зулҳижжа
2019 милодий йил, 11 август якшанба куни
БАЙРАМ ҚУТЛОВИ
(Шайх Обидхон қори, Швеция, 2011 йил)
Иймон тўла нурли хонадонларга,
Исломий биродар – жонажонларга!
Элу юрт қатори етгай хушхабар:
– Бугун Ийди Қурбон! Аллоҳу Акбар!
Такбирлар бағридан таралгай садо:
– Жабру ситам, зулм бўлгай хор, адо!
Дунёда энг гўзал, ширин каломлар
Ёғилгай сизларга дуо-саломлар!
Алҳол кимдир яқин, кимдир олисдир,
Қалблар ёнма-ёндир, тилак холисдир!
Илоҳо бағрингиз Аллоҳ бутласин!
Самодан малаклар сизни қутласин!
•┈┈┈┈┈┈•✿❁✿•┈┈┈┈┈┈•
Ислом Овози каналига марҳамат