«Аллоҳ бу аёлга жаннатни вожиб қилди …»
Уммул-муъминин Оиша розияллоҳу анҳо айтадилар:
Бир камбағал аёл олдимга икки қизчаси билан келди. Мен унга уч дона хурмо бердим. (Уйимизда бошқа таом йўқ эди). У аёл ҳар бир қизига бир донадан хурмо бериб, учинчисини ўзи емоқчи бўлди. Хурмо донасини оғзига олиб борар экан, иккала қизи ҳам унга тикилиб ана шу учинчи дона хурмога интилдилар.
Шунда аёл хурмо донасини ўртасидан иккига бўлиб қизларига берди. (Ўзи ҳам очликдан қийналаётган бўлишига қарамай қизларига бўлган меҳр-шафқати устун келди).
Мен бу аёлнинг хислатини ёқтириб (ундан қаттиқ таъсирланиб, қизларига бўлган меҳр-шафқатини) Расулуллоҳ соллаллоҳу алайҳи ва саллам (уйга келганларида) айтиб бердим.
У зот шундай дедилар:
«مَنِ ابْتُليَ مِنْ هذِهِ البَنَاتِ بِشَيءٍ فَأحْسَنَ إلَيْهِنَّ ، كُنَّ لَهُ سِتراً مِنَ النَّارِ»
رواه البخاري ومسلم
«إنَّ الله قَدْ أوْجَبَ لَهَا بها الجَنَّةَ ، أَوْ أعتَقَهَا بِهَا مِنَ النَّارِ»
رواه البخاري ومسلم
«Кимки қиз фарзандлардан биронтаси билан имтиҳон қилинса, бас, у ана шу қизларига яхшилик қилса (исломий гўзал тарбия билан яхши боқиб улғайтирса), албатта унга (ана шу ота-онага) бу қизлар дўзахдан парда бўладилар».
(Бухорий: 1418-ҳадис, Муслим: 2629-ҳадис)
«Шубҳасизки, Аллоҳ дарҳақиқат бу аёлга мана шу амали (қизларига кўрсатган меҳр-шафқати) туфайли жаннатни вожиб қилди ва уни дўзахдан озод этди!».
(Муслим: 2630-ҳадис)
•┈┈┈┈┈┈•✿❁✿•┈┈┈┈┈┈•
Ислом Овози каналига марҳамат