Оиша ва Умму Салама оналаримиз розияллоҳу анҳумодан ривоят:

«Расулуллоҳ соллаллоҳу алайҳи ва саллам оилалари билан бирга бўлиб, жунуб бўлган ҳолда тонг оттирардилар, кейин ғусл қилиб рўза тутар эдилар».

(Имом Бухорий ривоятлари)

Ҳанафий мазҳабини баён этган фиқҳ китобларидан «Ал-Баҳрур-роиқ шарҳи Канзид-дақоиқ»да келади:

«(Рўзадор) совуқ сув билан чўмилиши жоиздир, гарчи сувнинг совуқлиги таъсирини жигарида сезадиган бўлса ҳам. (Имом) Абу Ҳанифа раҳимаҳуллоҳ рўзадор киши сувга киришини ва ҳўл кийимга ўралишини кариҳ кўрганликлари сабаби, бу иши билан у гўё ибодат қилишдан малоллангандек бўлиб қолади. Шу жиҳатдан макруҳ санаганлар, рўзаси очилиб кетиши мумкин деган жиҳатидан эмас. (Имом) Абу Юсуф эса: «Бу иш макруҳ эмас» деганлар».

Шу мавзу ҳақида айрим саволлар:

1 – савол: Рамазон куни ғусл вожиб бўлмаса, ғусл қилса бўладими ёки бўлмайдми? Илтимос, шу масалага ойдинлик киритсангиз, олдиндан катта раҳмат!

Абдуфарруҳ.

2 – савол: Рўзада душ қабул қилса бўладими?

Рўзада оғиз ёпгандан кейин ювиниб бўладими, душ қабул қилса бўладими? Ман сизнинг 2006-2007 йиллардаги «Рамазон кечаларида» суҳбатингизни эшитгандим. У ерда бу саволга жавоб тополмадим. Аллоҳ сизга сабр-тоқат, ирода ато этсин.

Нодир.

3 – савол: Рўзада оғиз – бурун чайиш мумкинми?

Менининг билишимча, рўза оғиз таҳоратда оғиз чайқаш ва бурунга сув олиш ўта хафли, агар шу ҳолатда сув кирса рўза очилади. Шу ҳақда кенгроқ тушунтириб беринг.

Отабек.

1 ва 2 – саволнинг жавоби:

Рамазон куни ғусл вожиб бўлса, ғусл қилиш, душ қабул қилиш жоиз. Агар ғусл вожиб бўлмаган бўлса ҳам истаса ғусл қилиши мумкин. Аммо ичга сув кетиб қолишдан эҳтиёт бўлиш лозим.

3 – саволнинг жавоби:

Рўза оғиз таҳоратда оғиз чайқаш ва бурунга сув олиш жоиз. Агар шу ҳолатда одамнинг ичига сув кетиб қолса, ҳақиқатан рўза очилади. Шунинг учун рўзада оғиз ва бурун чайганда сувни ичга қаттиқ тортиш тўғри бўлмайди…

Мавзуга оид савол-жавоблардан яна:

* Рўзадор одам қандай таҳорат олади?

* Рўза пайтида тиш пастасидан фойдаланиш мумкинми?

* Кўзга суюқ дори қуйса рўзаси бузиладими?

•┈┈┈┈┈┈•✿❁✿•┈┈┈┈┈┈•

https://telegram.me/islomovozi

Podcast: Play in new window | Download