Фақат Рамазон (шеър)

Бўлимлар: Шеърлар

Шайх Обидхон қори
Швеция, 1428 ҳ. (2007 м.)

Рамазон учун деб, осмондан ой ҳам
Ҳар кеча ёғдирур маърифат-ирфон.

Самога йўл солган солиҳ амаллар
Ўрнини тўлғазур мағфират-ғуфрон.

Хаёлни банд айлаб, руҳни забт этмиш,
Гўзал, оҳанрабо тиловат, Қуръон.

Йўқсилларни йўқлаб, остона хатлаб,
Қалбларни эритгай саховат-эҳсон.

Бутун олам бўйлаб Қиёмат қадар
Исломга ёғилгай шарофат-ла шон

Ер узра бундайин қонунни жорий
Қилолмас бирор бир салтанат-султон

Бунча фазилатни жамул жам этган
Рамазон ойидир, фақат Рамазон!