Савол: Кикбоксинг ҳалолми ёки ҳаромми? Шу ишга спонсорлик қилса бўладими?

Отабек.

Жавоб:

«Ислом фиқҳи уюшмаси»нинг қарорларида мана шу масалага яқин мавзу тилга олинган.

1987 йил Маккаи мукаррамада ушбу илмий ташкилот ўтказган 10-даврасида бокс масаласи кўриб чиқилган. Яъни, «боксни ислом дини аҳкомларига тўғри келадиган – жоиз бўлган спорт турларидан деб санаса бўладими ёки йўқми» деган масала уламолар ва мутахассислар томонидан муҳокама қилинганидан сўнг қуйидаги қарор эълон қилинган:

أولاً: الملاكمة:

يرى مجلس المجمع بالإجماع أن الملاكمة المذكورة التي أصبحت تمارس فعلاً في حلبات الرياضة والمسابقة في بلادنا اليوم هي ممارسة محرمة في الشريعة الإسلامية، لأنها تقوم على أساس استباحة إيذاء كل من المتغالبين للآخر إيذاء بالغاً في جسمه، قد يصل به إلى العمى، أو التلف الحاد أو المزمن في المخ أو إلى الكسور البليغة، أو إلى الموت، دون مسئولية على الضارب، مع فرح الجمهور المؤيد للمنتصر، والابتهاج بما حصل للآخر من الأذى، وهو عمل محرم مرفوض كلياً وجزئياً في حكم الإسلام، لقوله تعالى: (وَلا تُلْقُوا بِأَيْدِيكُمْ إِلَى التَّهْلُكَةِ) (البقرة:195) وقوله تعالى (وَلا تَقْتُلُوا أَنْفُسَكُمْ إِنَّ اللَّهَ كَانَ بِكُمْ رَحِيماً) (النساء:29) ، وقوله ?: ( لا ضرر ولا ضرار ).

على ذلك فقد نص فقهاء الشريعة على أن من أباح دمه لآخر فقال له: «اقتلني» أنه لا يجوز له قتله، ولو فعل كان مسئولا ومستحقاً للعقاب.
وبناء على ذلك يقرر المجمع أن هذه الملاكمة لا يجوز أن تسمى رياضة بدنية، ولا تجوز ممارستها، لأن مفهوم الرياضة يقوم على أساس التمرين دون إيذاء أو ضرر، ويجب أن تحذف من برامج الرياضة المحلية ومن المشاركات فيها في المباريات العالمية، كما يقرر المجلس عدم جواز عرضها في البرامج التلفازية، كيلا تتعلم الناشئة هذا العمل السيئ وتحاول تقليده.

ثانياً – المصارعة الحرة :

وأما المصارعة الحرة التي يستبيح فيها كل من المتصارعين إيذاء الآخر والإضرار به، فإن المجلس يرى فيها عملا مشابهاً تمام المشابهة للملاكمة المذكورة وإن اختلفت الصورة، لأن جميع المحاذير الشرعية التي أشير إليها في الملاكمة موجودة في المصارعة الحرة التي تجري على طريقة المبارزة وتأخذ حكمها في التحريم. وأما الأنواع الأخرى من المصارعة التي تمارس لمحض الرياضة البدنية ولا يستباح فيها الإيذاء فإنها جائزة شرعاً ولا يرى المجلس مانعاً منها…

(المجمع الفقهي الاسلامي/الدورة العاشرة / القرار3 /1408-2-28هـ الموافق 1987 /10 / 21م)

Мужаммаъ ўзининг мажлисида юқорида зикр қилинган сифатдаги мулокама (яъни бокс) – бугунги кунда спорт мусобақаларида кенг қўлланаётган боксни ислом шариати нуқтаи назаридан ҳаром эканлигини ижмоъ билан (барча уламолар иттифоқ қилган ҳолларида) маълум қилади.

Чунки бу бокс ҳар икки томон (яъни, бир-бири билан курашаётганлар) рақибининг жасади-жисмига аниқ зарар-озорлар етказишни қасд қилишига рухсат бериш устига қурилган. Бу етказиладиган зарар баъзан у инсоннинг кўзини кўр қилиши мумкин ёки бирор аъзосини ишдан чиқариши мумкин, миясига зарар етиши мумкин, суюклари синиши мумкин, ҳатто ўлимгача олиб бориши мумкин ва бунда ҳеч қандай жавобгарликка тортилмасликка икки томон ҳам рухсат олган бўлади. Уларни томоша қилиб турган одамлар ҳам ютадиган томонни қўллаб-қувватлайдилар ва бундан хурсанд бўладилар. Бир инсоннинг озор чекиши ва зарарларга гирифтор бўлишидан одамлар ўзлари хурсандлик эълон қиладилар. Шунинг учун бундай спорт тури ислом нуқтаи назаридан буткул тарзда ҳам, жузъий сифатда ҳам мутлақо ҳаром бўлган ишдир.

Аллоҳ таоло марҳамат қиладики:

{ولا تلقوا بأيديكم إلى التهلكة} . [البقرة: 195].

«Ўзингизни ўзингиз ҳалокатга ташламангиз». (Бақара: 195).

{ولا تقتلوا أنفسكم إن الله كان بكم رحيما}.  [النساء: 29]

«Ўзингизни ўзингиз ўлдирмангиз. Аллоҳ сизларга меҳрибон Зотдир!». (Нисо: 29).

Расулуллоҳ соллаллоҳу алайҳи ва саллам ҳам айтадилар:

«(Исломда) зарарга сабаб бўлиш ва зарар етказиш йўқдир». Яъни, Ислом дини зарарли нарсаларни рад этади, зарарга сабаб бўладиган ишларни ҳаром қилган.

Шунга кўра Шариат фуқаҳолари таъкидлаганларки, агар бир инсон бошқасига мени ўлдиргин , деб ўз қонини ҳалол қиладиган бўлса ҳам уни ўлдириш жоиз эмас. Агар ана шундай талабни бажарадиган бўлса у ҳам жавобгар ва жазога лойиқ бўлади.

Мана шу айтилганлардан келиб чиққан ҳолда «Ислом фиқҳи уюшмаси» боксни рухсат бериладиган спорт турларидан санаш жоиз эмас лигини эълон қилади. Бундай иш – бокс инсонлар бир-бирига зарар етказадиган ҳаром ҳаракатдир.
Бундай нарсаларни телевидения орқали кўрсатишни таъқиқлаш лозим, токи ўсиб келаётган ёш авлодлар ундан ибрат олмасин, уни ўрганмасин, уларга тақлид қилмасин.

Аммо спорт ва курашнинг бошқа турлари , инсонлар оддий бадан тарбия сифатида шуғулланадиган ва бир-бирига зарар етказишга рухсат этилмайдиган бошқа кураш турлари жоиздир, мажлис аҳли (Ислом фиқҳи уюшмаси уламолари) уни рад этишга асос кўрмайдилар.

Уламоларнинг ушбу фатволарга кўра кикбоксинг ҳам ҳаромлигида шубҳа йўқ. чунки унда ҳам рақибига зарар етказиш, озор етказиш йўли билан мақсадга эришиш, ғолиб бўлишдан иборатдир. Балки боксдан ҳам кўра бу ёмонроқ. Чунки боксда фақат қўлни ишлатишга рухсат берилса, кикбоксингда оёқни ҳам ишлатишга, қандай қилиб бўлса ҳам рақибини йиқитишга, унга зарар етказишга ва мана шундай қилиб ғолибликни қўлга киритишга тарғиб этилади. Бу эса Ислом динига асло тўғри келмайди. Бундай ишларга ҳомийлик қилиш ҳам жоиз эмас. Бундан бошқа спорт турлари, масалан инсонлар оддий бадан тарбия сифатида шуғулланадиган ва бир-бирига зарар етказишга рухсат этилмайдиган бошқа кураш турлари бундан мустаснодир.

Валлоҳу аълам.

•┈┈┈┈┈┈•✿❁✿•┈┈┈┈┈┈•

https://telegram.me/islomovozi

Podcast: Play in new window | Download