بسم الله الرحمن الرحيم السلام عليكم ورحمة الله وبركاته

Ажойиб топишмоқлар учун раҳмат. Аллоҳ рози бўлсин. Давомини интизорлик билан кутамиз. Менинг исмим Масъуд, дадамники Маҳмуд. Ёшим 11 да.

Масъуд Маҳмуд. 6 октябр.

Демак, топишмоқлар жавобини биринчи бўлиб юборган мухлисимиз Масъуд Маҳмуд ўғли бўлдилар. Бу дўстимизга катта раҳматлар айтамиз ва қуйида жавобларини эълон қиламиз.

Топишмоқнинг жавоби: ИЙМОН, НАМОЗ, РЎЗА, ЗАКОТ, ҲАЖ.

Энди шеърни ундаги тушуриб қолдирилган сўзларни жой-жойига қўйиб ўқисак бўлади.

1.

Мен учун энг азиз нарса,
На молиму на жоним.
Мени асли азиз қилган –
Қалбимдаги ИЙМОНим!

2.

Ўзи бешта – роса оз,
Фойдаси кўп, жуда соз.
Ҳар кун келур қишу ёз
Унинг отидир НАМОЗ.

3.

Рамазон келса,
“Мазза”, дейдилар.
Тонгда тийилиб,
Шомда ейдилар.

Мечкай кимсанинг
Лақаби – кўза.
Ундай одам ҳеч
Тутолмас РЎЗА.

4.

Молинг кўпаяр,
Топарсан нажот,
Муҳтожга берсанг
Садақа, ЗАКОТ.

5.

Узоқ-узоқ йўл юриб,
Пулларингни харж қилсанг,
Гуноҳларинг тўкилур
Агар бир бор ҲАЖ қилсанг!

Podcast: Play in new window | Download