Уммул-муъминин Оиша онамиз разияллоҳу анҳо айтдилар:

«Расулуллоҳ соллаллоҳу алайҳи ва саллам (ҳар йили) рамазон ойининг охирги ўн кунлигида эътикоф ўлтирардилар ва: «Лайлатулқадр (Қадр кечаси)ни охирги ўн кечадан қидиринглар», – деб айтар эдилар».

(Имом Бухорий ривояти)

* Эслатма:

«… Охирги ўн кечадан қидиринглар » деган сўзларининг маъноси: ушбу улуғ кечаларнинг ҳар бир лаҳзасини ғанимат билиб, Ягона Аллоҳ таолонинг Ўзига юзланиб, намоз, тиловат, зикру дуо каби тоат-ибодатлар билан ўтказинглар. Ана шунда иншоаллоҳ Қадр кечасини топган – Қадр кечасида ибодат қилиб чиққан бўласизлар. Қадр кечаси холис Аллоҳ учун, Суннати Набавийяга мувофиқ тарзда ибодат қилиб чиққан ҳар бир мўминга минг ойдан кўпроқ ибодат қилиб яшаганлик савоблари ато этилади.